Erabiltzailea: Pasahitza:
Bizikasi

Lanbide Heziketako
Bitartekotza Zerbitzua
Albisteak

Txantxiku Txantxiku ikastolak “konfiantzaren pedagogia”ri buruzko ikastaroak antolatu ditu guraso berrientzat

Astelehena, 2016eko Otsailaren 22a

Proiektu berritzaile hau datorren ikasturtean jarriko dute martxan Haur Hezkuntzan

  Haurrak era autonomoan garatzeko duen gaitasunean konfiantza izatea da pedagogia berritzaile honen ardatz nagusia. Era berean, umearen erritmo biologiko, kognitibo eta emozionala errespetatzen du. Adin ezberdinetako haurrak harremanetan jarriz, elkarrekiko interakzioa bilatzen da, elkar lagunduz eta imitatuz ikasi dezaten. Proiektu berriak, familiaren presentzia ere areagotzen du, haurrari ziurtasuna ematen baitio etxea eta ikastolaren arteko harremana estuak. Horrek guztiak espazioaren berrantolaketa eskatzen du, espazio zabalak eta interesgarriak sortzea ezinbestekoa baita. Ondorioz,  proiektu pedagogiko honen haritik, proiektu arkitektonikoa ere gauzatuko du ikastolak.

  Konfiantzaren pedagogia hau ezagutzera eman asmoz eta ikasle berri izan daitezken horien gurasoekin landu asmoz, ikastaroak antolatu dira urtebete edo gutxiago duten haurren gurasoekin eta baita haurdun daudenekin.
Hilean behin izango diren ikastaro hauek, ostiral arratsaldez, 17.00etatik 19.00tara egingo dira. Lehena, aste honetan bertan izango da eta gurasotasunaz eta haurraren lehenengo sei urteen garrantziaz berba egingo da.

  Senaren edo instintuaren teoria eta konfiantzaren pedagogiaren oinarriak, umearen erritmo biologiko eta intelektualak, atxikimendu sena, atxikimendu motak eta ezaugarri familiarrak, banaketa eskolatzean edota garapen kognitiboa dira maiatza bitartean egingo diren 9 ikastaroen gaietako batzuk.

  Parte hartu ahal izateko aurrez izena eman behar da eta horretarako azken eguna etzi, hilaren 16a izango da. Informazio gehiagorako nahiz izena emateko Ikastolara zuzendu behar da 943.781204 zenbakira deituz edo mezua txantxiku@ikastola.eus helbidera bidaliz.

Bilatzailea

Kategoriak

Harremana

Miren -943769394- Bizikasi
Nuria -943797900- IEFPS Aretxabaleta Lanbide Eskola

Gurekin harremanetan jarri nahi al duzu ? Beherako botoia klikatu besterik ez duzu egin behar.

Kontaktua
Design by Shareweb