Erabiltzailea: Pasahitza:
Bizikasi

Lanbide Heziketako
Bitartekotza Zerbitzua
Entitateak

Bergarako Bergarako Udal Artxiboa

Inprimatu Inprimatu Atzera Atzera

Udal Artxibo zerbitzuak bere izaeraren ondorioz, Udalak sortu eta jaso dituen agiriak gordetzen ditu. Udal funtsa 1268. urteko hiribildu agiriarekin hasten da eta beste udal zerbitzuek bidaltzen dituzten agiriekin hazten da.

Web orrian dokumentu-funtsak jarri ditugu kontsultagarri. Lehena Udalaren azpifuntsa historikoa da. Serapio Mugicaren sailkapen-taula erabilita lan egin da (horrek dazkarren arazoekin)1924ra arteko dokumentuentzat. Hortik honuntzkoak, azpifuntsa administratiboan dauzkagu eta Udal Artxiboen Sailkapenarako Lantaldeak argitaratutako lana jarraitzen dugu. Beste dokumentu-funtsak ere gordetzen ditugu: lantegietakoak, elkarteetakoak, familiarrak...jatorri eta garai ezberdinetakoak direnak. Datu base bakar bat sortzerakoan informazio eta ikerketarako aukerak areagotu egiten dira.

Goian azaldutako funtsez gain argazki artxibo garrantzitsua ere badugu; 23.000 iruditik gora dauzkagu. Hasiera, 1996an, Kultura Departamentutik etorritako argazkien kopiekin izan zen. Harrez gero,irudi kopurua gehitzen joan da, gehienetan, dohaintzen bitartez. Dohaintzak aipatzerakoan ezinbestekoa iruditzen zaigu eskerrak ematea argazkiak muxutruk eman dizkiguten guztiei. Irudiekin gure herriko bilakaera, jarduerak eta jendea jasotzea da gure helburua. Argazkien kontsulta web orrian egin ahal izan arte interesa duenak Artxibora hurbildu beharko du.

Ikus-entzunezko funtsa ere badugu, Islada bideogelakoa, 1988tik 1998ra arteko irudiek osatzen dute. Material horren kontsulta web orrian egin ahal izan arte interesa duenak Artxibora hurbildu beharko du.

Euskararen erabilerari dagokionez dokumentu-funtsen deskribapena erderaz eginda dago eta euskaratzen ari gara. Gaur egun, Kapirixo Ondarea babesteko elkarteko funtsaren deskribapena euskaraz hutsean dago. Errege Seminarioko, Usandizaga Institutoko eta Bergarako Kultura Ekintzako funtsen deskribapena elebietan dago. Besteak berriz erderaz bakarrik daude.  


Helbidea: San Martin Agirre plaza, 1
Herria: Bergara
Telefonoa: 943779132
Fax:
E-maila:
Web orria: http://www.bergarakoartxiboa.eus
Harremanetarako pertsona:
Irakaskuntza mota: Presentziala zentroan


Antolaturiko ikastaroak
Emakumeen lana ehungintzan ezagutzen

Bergarako ehungintzako enpresen dokumentu-ondarea erabiliz (udal artxiboan gordetakoak), emakumeek sektore horretan egin ohi zuten lana ezagutarazi nahi dugu. Horrela, gure herriko industria-garapenean ehungintzak izandako garrantzia erakutsi eta horretan emakumeen parte-hartzea begibistaratu nahi dugu.

Harremana

Miren 943 89 92 73- Bizikasi
Oihane 943797900- IEFPS Aretxabaleta Lanbide Eskola

Gurekin harremanetan jarri nahi al duzu ? Beherako botoia klikatu besterik ez duzu egin behar.

Kontaktua
Design by Shareweb